Stor og romsleg einebustad med fire/fem soverom, stor stove og garasje. Her er også ca. 50m² terrasse/balkong

Beskrivelse

Dette er ein stor og flott bustad på heile 177,5 m² BRA, inkl. garasje og sportsbod. Bustaden er i utgangspunktet tenkt bygd tre soverom, men det er mogleg å bygge den slik at du kan få fem soverom dersom ein gjer om på tv-stova og kontoret.

I 2. etg er det;
kontor/bod (som kan gjerast om til soverom), kjøken, bad og stor stove. Frå stova er der skyvedør ut på ein stor terrasse på 44m². På terrassen vil der vere glasrekkverk.
I 1 etg. vil du finne;
Carport, sportsbod, tre soverom, bad, bod, tv-stove (som kan gjerast om til det fjerde soveromet), med utgang til ein terrasse/balkong på 8 m²
Bustaden ligg fint til med korte avstandar til det meste i Hareid sentrum. Vegen inn i feltet er kommunal, og dei interne vegane er asfalterte.

Om du kjem tidleg inn i prosessen kan du gjere endringar og forme bustaden etter din smak.

Vi nyttar lyse overflater og god kvalitet på dei materiala som vi nyttar. Kjøken- og baderomsinnreiing er frå Nordsjø, og er levert av lokal forhandlar, Hygge Design AS .

ENKEL SKILDRING AV VÅR STANDARD

ENKEL SKILDRING
Ferdigstilling:
Bustaden vert levert i tråd med Teknisk Forskrift 2015 og den vert levert etter vårt nøkkelferdige konsept. Det einaste som ikkje er inkludert er nedvask, kvitevarer og belysning.

Utvendig overflate:
Utvendig bordkledning vert levert med eit strøk grunningsfarge. På taket vert det levert takpapp. Balkong/terrassebord består av trykkimpregnerte materiale.

Innreiing/måling:
Bustaden vert levert med kvite tak- og veggplater. På veggane er det Huntonit 3 bords plater, kvit kostemalt, og Huntonit kvite takplater.
Dører, vindauge, listverk og fôringar til vindauga er kvite.
Veggar og golv på bad er flislagde med varmekablar i golvet.
På innvendig bod vert det lagt fliser på golv.
I soverom, gang, stove og kjøken vert det lagt høgtrykkslaminat type Berry Alloc, Elegant Eik Natur.
Innvendig bod vert det lagt flis på golv.
Bustaden vert levert med vedomn frå Norpeis, type DUO 5DV og svart stålpipe.

Kjøkken, bad og garderobe innreiing:
Kjøken er av type Nordsjø Riga serien. Baderomsinnreiing av type Nordsjø Riga .
I Riga serien kan du velje mellom fargane; Eik natur, Eik svart og Eik grå. På vårt bilde i prospektet viser vi; Eik Natur og Eik svart på kjøken, og Eik Sort på Bad. Du står fritt til å velje andre frontar på kjøken.
På bad er det 120 cm brei skuffeseksjon med to skuffer og med spegel med integrerte lys.
Garderobeskap leverer vi med eitt garderobeskap til kvar sengeplass. Alt blir levert og montert i h.h.t teikning.

Røyrleggar- / sanitærarbeid :
Anlegget vert levert komplett, og omfattar blant anna varmtvasstank (200L), avløp og uttak for vaskemaskin og oppvaskmaskin, eitt greps blandebatteri, dusjbatteri med dusjsett til bad, i h.h.t teikning. Det vert levert ei utekrane.

Ventilasjon:
God ventilasjon er avgjerande for eit godt innemiljø, og for å halde oppvarmingsutgiftene så lave som mogeleg. Derfor vert bustaden levert med balansert ventilasjon med varmegjenvinnar. Anlegget består av avtrekkskanalar frå kjøken, bad, wc, og samt tilførselskanalar og ventilar til opphaldsrom/soverom.

Elektriske installasjonar:
Elektrisk anlegg er utført etter gjeldande forskrifter som sikrar nok elektriske punkt. Sikringsskap med automatsikringar, jordfeilbrytar. Elektrikar gjer greie for punktplassering.

Uteplass:
Leilegheitene vil få terrasse mot sør-vest. Uteområdet vert levert maskinplanert og ein må rekne med å plukke stein, rake, så plen og plante sjølv. Interne vegar blir levert med asfalt.

For meir detaljer sjå leveringsskildring.